吳綺莉：唔好毀我聲譽

早前吳綺莉認識商台高層陳志雲後，獲對方引薦主持電台節目《1圈圈》，雙方簽下短期合約至明年一月，但近日吳綺莉突被電台單方面終止合約，令她極度不滿：「係佢哋處理得好差！」

吳綺莉透露一直盡力請嘉賓，曾邀請惠英紅、鄧萃雯及栢芝媽等，並已邀得王維基及甘國亮於本周做嘉賓，現在被炒令她甚尷尬：「郎朗同阿叻（陳百祥）嘅訪問仲未出街添！所以我要澄清，唔想畀人覺得我不負責任！」

吳綺莉稱被人中傷，但否認是Terry（右），而陳志雲（左）亦沒有聯絡她。

曾主持無線節目的吳綺莉，讚貸線有人情味。

三番四次被針對

有傳電台認為吳綺莉跟拍檔梁泰來（Terry）的表現不達標，志雲為保愛將Terry而犧牲她，吳綺莉激動地說：「我唔想執着呢啲嘢！依家係有人不斷中傷我，話我Hea、懵懵下！我仲未退休，唔好毀壞我聲譽！（Terry？）唔係！」她透露被該名同事三番四次針對，多次鬧她唔掂：「嗰個人閂埋門鬧我，問我係咪喺內地住得耐，做咩請郎朗做嘉賓，話佢講國語，香港人唔識聽。」提到有人教她向外界解釋因太忙而辭職，問到是誰？她說：「員工之一啦！我唔想講太多啦！（聯絡陳志雲？）冇呀！佢好忙，佢都冇主動搵我。」對於傳中傷吳綺莉的Terry則說：「唔回應，冇所謂啦！（好多是非？）都預咗。（同吳綺莉有冇聯絡？）尋日同佢傾過電話。（佢有冇唔開心？）佢情緒有啲波動，我明白嘅。」

讚無綫有人情味

吳綺莉現時情緒大受困擾致失眠，幸無綫有高層向她表關心：「某程度上TVB更有人情味，啲人覺得TVB唔好，但有事會撐番自己人。」問到商台連一個月通知時間也沒有，是否需要賠償？她表示合約尚有條文未完整，有關索償交由其TVB經理人研究。

就吳綺莉自爆被炒魷，電台對外事務部回覆：「唔存在被炒，暫時終止合作，星期一（明日）生效。」對吳綺莉的表現評語及是否搵黎芷珊取替，有關方面沒正面回應。據知黎芷珊於本月18日開咪，黎芷珊亦承認月中後開工，但不清楚是否頂替吳綺莉。