胡諾言獲樂易玲窩心祝賀
藝人胡諾言和大女兒昨日到醫院接老婆陳琪和剛出世的二千金芷悠，胡諾言笑言大女芷苓沒有呷醋，芷苓更要求抱細妹，非常可愛。胡諾言指芷悠出世後，無綫藝員部有傳短訊恭喜他們，更有人前來探望太太，他透露樂易玲亦有親自致電他：「好窩心！樂小姐叫我畀心機，勤力工作！覺得公司唔同咗，可能新人事新作風，有啲受寵若驚！」
問到會否怕老婆和兩個女兒連作一線欺負他，胡諾言說：「唔怕！女仔都黐Daddy！不過大囡係小女人，細囡係小小女人，老婆係大女人！（追個仔？）依家一家四口好滿足，照顧小朋友好吃力！」