賈曉晨遲大到賴無綫
藝人賈曉晨（JJ）昨日微露事業線在旺角出席手機活動，吸引大批龍友到場獵影！但她比原定時間勁遲四十五分鐘，更暗指無綫發通告混亂：「今日（昨日）先收到《好心作怪》三點外景通告，仲要遲咗一個鐘先開始拍，所以趕唔切過嚟！對唔住呀！我都好激氣！（PA出錯？）唔想講任何人錯！不過我都好唔滿意嗰安排！」
問到聖誕節會如何慶祝，JJ表示：「都係工作中度過，做藝人都身不由己！（同男友樊少皇過？）佢都要拍電影呀！不過我希望可以喺世界末日前見晒啲親戚！（樊少皇做咗你親人啦？）見晒啲親戚朋友！」她又笑言男友非常擔心她會好多追求者：「佢覺得女神多人鍾意！其實我性格係好專一，唔花心o架！」