葉玉卿回歸賀歲 心繫仔女

一代性感女神葉玉卿出山拍攝邵氏賀歲片《我愛HK2013恭喜發財》，卿卿這次未有出動私人飛機，選搭民航機由西雅圖低調返港，前晚步出香港機場，雖然連續飛了十多小時，但精神十足未顯疲態，風情猶在，更有影迷上前邀她合照。

事件曝光多人爭邀

卿卿自1996年下嫁商人胡兆明後息影定居美國，即使每年返港探親亦不超過一星期，她表示今次返港拍戲全因譚詠麟（Alan）：「樂小姐同志偉打畀我，話同Alan合作，加上我又未拍過賀歲片，劇組又就到時間，好多嘢夾埋許可。（心情興奮？）件事曝光之後，即刻多咗人搵我，搞到我都緊張。」卿卿認為以往是為生活而拍戲，今次心癮起轉個角度為興趣而復出。

闊別十六年覺緊張

十六年「幕前空窗期」令卿卿直言緊張，平日子女不離身的她透露為復出曾開家庭會議，必先得到子女首肯：「啲細路開頭話我應該要拍，但到我真係決定咗之後，個女就開始喊，我一落機就收到佢哋嘅短訊，我依家都好掛住佢哋。」卿卿今次只短暫留港兩星期，問到可有約朋友相聚，她謂：「拍戲個schedule都未知，無約飯局，不過要見嘅人到時一定見到。」