陳慧琳撐無綫取消亞太獎
陳慧琳（Kelly）前晚為出席活動擔任表演嘉賓，提到無綫有可能取消亞太區男女歌手獎，曾奪該獎項的Kelly坦言是好事：「咁都好，唔使夾硬頒。依家香港歌好少hit到其他亞洲地方，可能因為唱片市道唔好，希望大家努力。（有傳冇亞太男歌手獎令林峯變攞最受歡迎男歌手。）佢攞都得。（唔怕有反對聲音？）每年都有o架啦！」
早前Kelly被拍得為新片開工，她坦言拍了四日已拍完，承認為報答導演李志毅才接拍：「我出道冇耐佢就搵我拍戲。（片酬友情價同埋為爭獎？）純綷幫手。」她又稱將來拍電影，若時間太長和需要離港，未必會接拍。提到細仔小龍包貌似鄭則士，Kelly笑說：「都幾似，所以我哋都叫佢Kent哥（鄭則士英文名）。」