徐子珊食住個勢日日有工開
徐子珊在《雷霆掃毒》飾演陳家碧一角備受好評，工作不斷，更有份角逐視后。昨日她到將軍澳出席活動，子珊說：「多得『陳家碧效應』，下星期每日都會見到我出活動，希望個勢延續到頒獎禮。（有信心喺馬來西亞「我的最愛頒獎禮ASTRO ON DEMAND AWARDS 2012」攞獎？）我心情比想像中輕鬆，望有獎攞啦。（為無綫頒獎禮預演攞獎？）唔敢期望，怕失望，兩地觀眾唔同。」子珊笑言前晚去睇騷都親自向香港觀眾拉票。
有指勁敵楊怡因壓力大臉部爆瘡，子珊表示：「唔會啩？見佢皮光肉滑，不過我想靚靚咁出席頒獎禮。（無綫高層李寶安話無綫有得加薪及1.75月花紅？）未必去到我哋，藝員約唔同，希望加我一半底薪就好啦！」
