李桂蘭：利夫人胃口好
早前有指利孝和夫人身體不適，其好友兼加入了無綫的李桂蘭，前晚出席手錶品牌江詩丹頓置地太子專賣店揭幕活動時，透露夫人已康復不少，胃口很好並堅持每天踏單車和練氣功等運動，稍後會去台慶頒獎禮領長期服務獎。有傳夫人心臟有問題？李桂蘭說不大清楚：「佢都89歲啦，如果我89歲好似佢咁已經好滿足！（睇好邊個攞視帝及視后？）我唔係幾方便答喎，我好少睇中文台，唔係幾清楚，下年再投票啦。」
同場的郭秀雲戴着多年前老公龐傑送贈的品牌「古董」腕錶前來，笑言：「隻錶冇得買o架喇，好多人見到話用隻新嘅同我換，我梗係唔肯啦！」兒子錢景峰聖誕節將由美國回港，並大讚拍拖中的兒子長情，笑言叫他不用太專一，應該出去多看世界。前晚活動完畢後，一眾嘉賓移師到鄰近的酒店享用晚宴，大會更安排著名單簧管演奏家Paul Meyer表演娛賓。
