昨有消息指因張栢芝與葉佩雯（Grace）好友決裂，事緣Grace母親在栢芝開設之美容院打工，栢芝一有不滿就照罵，老友母親都無面畀，對此，Grace與母親齊齊開腔力挺栢芝，葉母回應：「覺得栢芝好無辜，所以好想澄清番，完全無的咁嘅事，不嬲大家都知栢芝好尊重長輩，點會鬧我呢？」葉佩雯對好姊妹被屈也大感心痛，昨憤然表示：「我同佢嘅關係一向都好好，唔明點解話我哋決裂！（點解無去你嘅婚宴？）佢一早講咗唔嚟，因為擔心霆鋒同佢一齊到會喧賓奪主，佢唔想。」
另外，昨有傳張栢芝有新男友，對方是李浩林朋友，兩人更一起睇「軟硬」騷，記者向栢芝經理人求證，她謂：「無新男朋友，寫有都係作嘅，栢芝日日溜冰同湊仔邊有時間。」