李嘉欣帶仔旅行避寒
「大美人」李嘉欣昨日出席水晶品牌Swarovski活動時，以一身綠色閃爍露背裝示人，十分矚目。同場還有鍾浠文等模特兒行騷。在台上嘉欣表示聖誕節將留在香港度過，並親自下廚煮聖誕大餐給家人分享。談及如何慶祝節日，她表示聖誕前將一家人到熱帶地區旅行：「畀小朋友（兒子Jayden Max）見識多啲。（帶工人去？）湊佢個姐姐會去，我都會全程睇住佢o架喇，（唔放心？）姐姐都好錫佢嘅，我喺香港都成日睇住。」
記者問她是否比以前肥胖？她即說：「唔係，（行得咁小心？）係，之前傷患未好番，睇跌打又唔好，着高踭鞋都痛。（造人？）老公話唔好諗，等上天安排。」提到她之前曾宣布封肚，她說：「係，我見佢（兒子）大得咁快，好想重溫！但係香港小朋友讀書咁辛苦，心大心細。」
