袁嘉敏寸許穎配角扮主角
前港姐袁嘉敏（Candy）與o靚模王璐瑤前晚出席配音動畫電影《神秘之法》首映禮。早前o靚模許穎（Phoebe）受訪時自稱為該片女主角配音，但Candy強調自己才是女主角：「我諗佢要諗清楚先講，覺得成件事好突然。」問有否嬲Phoebe？她說：「有啲反感，佢講到做埋我嗰份就覺得怪怪哋。」Candy坦言若見到Phoebe不感尷尬：「講錯嘢係佢！」
Candy表示原本想穿着電影造型出席首映禮：「件衫大Deep V又透視，我怕走光。」曾任陳可辛助手的Candy，提到吳君如弟弟吳君祥早前疑偷食，她笑謂：「佢邊有得偷！佢女友江美儀咁正！（因為江美儀着黑絲？）係呀！好性感！」