拉姑揀衫氹孫仔

狄波拉一向愛錫兩名孫仔Lucas及Quintus,前日她又與老公鬍鬚KONG前往中環購物,還特地在童裝店內為一對孫仔挑選靚衫。不過行逛約半小時,拉姑似乎並未揀中心水衫,二人隨即轉往商場內一間大眾化時裝店。

甫入店拉姑與老公分頭行事,她前往揀選童裝,拿起數件小童外套研究後,又再揀大褸,未幾與專攻男裝的老公都拎住戰利品排隊付款。離開時,負責拎衫的鬍鬚KONG見記者即向拉姑提水,二人與記者打招呼後便再往血拼。