陳煒夠潮朱千雪娘爆
應屆港姐朱千雪和陳煒昨日為無綫飲食節目《甜心先生》錄影，剛剛上周39歲生日的陳煒以紅黑裙上陣，甚有節日氣氛，相反後生女朱千雪穿「阿婆冷衫」兼戴「阿婆頸巾」現身，衣着品味即時高下立見。
問陳煒如何慶生日？她稱當日老公不在港：「嗰日朋友請我食飯。（老公送咗禮物未？）未呀！哼！要起佢釘。佢有喺微博、Facebook同我講生日快樂，不過都有打電話同我講。佢30日會返嚟，不過佢下個月會去南非。（買鑽石做禮物？）一於咁話。」
朱千雪則自爆首次正式下廚，以前從未試過炮製美食冧男友：「都係我阿媽同阿妹煮多，我就負責食同洗碗。」