有傳關心妍將會與林欣彤及鄭欣宜爭奪《勁歌金曲頒獎典禮》的「金曲金獎」，昨日關心妍出席記招時說：「多謝大家抬舉，咁多年努力做音樂，冇諗攞獎，希望中嘅嘢，唔係呢啲，想中BB獎。」結婚已有三年的關心妍，表示出席本年度頒獎禮後，會停工調養身體，準備生BB：「醫生話再做身體好傷，亦未知停幾耐工。（唔捨得？）呢個圈冇話捨唔捨得，亦唔係退出，將來生咗BB，形式都會唔同，冇咁活躍。」
