郭晉安爭視帝 拉票等奇迹
郭晉安望奇迹打救爭視帝，曹永廉（阿廉）落選提名心灰意冷，誓言缺席頒獎禮，即使無綫加設「傑出男、女演員」獎，亦無心「分豬肉」，直言：「去到冇份拎咪又再(火羅)多次！」
郭晉安前晚出席代言品牌活動「草姬邁向15周年」同歡晚宴，帶同一家大細出席，囝囝郭令山面對鏡頭表情多多，表演欲極高，盡得父母真傳。安仔表示平日忙於工作，難得可以一家人食飯。問到對今年視帝信心如何？安仔直言冇信心爭獎，「希望有奇迹出現啦！今年投票係新嘗試，（林峯多粉絲？）我都會積極拉票，叫埋其他家長支持我。」
力撐法拉
而女主角方面，安仔指外界傳徐子珊及楊怡為今年大熱，但他力撐同劇的陳法拉，「睇得出法拉有好大進步，就算最後輸咗，票數都唔會差好多。」安仔認為自己劇集在年頭播出輸蝕，《大太監》則氣勢凌厲。
另外，劇集《大太監》一班演員昨日在商場宣傳造勢，黎耀祥、黃浩然、曹永廉、陳國邦等在台上大放笑彈，曹永廉扮陳茵媺惡搞劇集場面，當岳華從後擁抱時，阿廉即叫：「唔好放呀，阿Mo（陳豪）會鬧o架！」
心情平復
曹永廉失落男配角獎項提名，已揚言不會出席下月頒獎禮，無綫突設「傑出男、女演員」獎項，似有「分豬肉」安撫之意，阿廉心灰意冷地表示即使多設新獎亦不會列席，並謂：「冇諗過拎呢個獎添，去到冇份拎咪又再(火羅)多次，公司真係欣賞我嘅，下年再算！」阿廉直言起初有為失去提名而唔開心，現心情已經平復：「唔想大人大姐去求個獎返嚟！」
文：影視組