李蘊再結魔術緣
與魔術師結下不解緣的李蘊，今年中與台灣人氣魔術師劉謙分手後，最近「搭上」國際知名魔術師Nathan Burton，而且更與好姊妹「動漫Maggie」李曼筠拍住上吸金，飛美國任世界巡迴騷助手。
歌手兼o靚模李蘊與「動漫Maggie」李曼筠，獲國際知名魔術師Nathan Burton（彌敦貝爾頓）揀中，為其世界巡迴的美國洛杉磯站擔任助手。Burton在世界各地物色靚女擔任助手，曾邀美國話題女星Paris Hilton掀起熱話。早前他秘密在亞洲區搵靚女做助手，兩岸三地逾百位女星和模特兒參與面試，經過多輪面試後，李蘊和Maggie脫穎而出，除了被安排到美國跟Burton學魔術，更要簽下保密合約，嚴禁透露表演內容。
酬勞六位數
昨日記者致電李蘊，她坦言早前與Maggie到美國學魔術和演出，是否因曾與劉謙拍拖而被揀中？她說：「唔係，其實我好鍾意魔術，亦曾學過一啲基本技巧，我諗因為咁加分啩！（幾多酬勞？）總之開心價，其實有國際級魔術師教授已經好榮幸。」據知她與Maggie各有港幣六位數酬勞，明年暫定要跟Burton到內地演出。
自與劉謙分手後，李蘊火速與28歲金融才俊羅章冠撻着，據知男友早前飛美國「探班」給她驚喜。Maggie則自爆抵美國後勁食龍蝦，不過因助手制服性感，所以要接受地獄式訓練，Burton還帶她們去玩過山車、跳樓機訓練膽量。
文：專案組