黎耀祥博攞獎買樓
黎耀祥前晚出席商場聖誕活動，問到今年豐收，會送甚麼獎勵自己時，他坦言：「我想買樓，依家都睇緊啲樓價，如果年尾樓價下調就會入場，我想揀番喺西貢、清水灣，方便返工，呢幾年得個做字。（儲唔少？）少少啦！都希望攞多啲獎，搵多啲錢，實踐買樓大計。」
至於古明華昨日出席台慶慰勞宴，識做的他第一時間跟高層樂易玲打招呼，又提議樂小姐加設兩個男配角獎項，好讓他與陳國邦「一炮雙響」。問他是否逼走黃智賢無緣角逐男配角時，他謂：「我邊有咁嘅能力，但最緊要知接落嚟做乜，祥哥攞獎後都唔敢怠慢，繼續做。」問他看好誰奪男配，他謂：「個獎畀我，我受得起，不過陳國邦都好勁，如果佢攞，我希望佢畀我喺屋企擺半年。」
