李克勤讚新拍檔幫得手
歌星李克勤前晚和港姐黃心穎、藝人林穎彤在電視城錄影節目《決戰一分鐘》，問到重歸無綫主持節目的他有何感受？他表示：「都冇乜大變化，好多工作人員都同我講welcome back，上次做試映有啲緊張，依家正式錄就好啲！（遊戲節目考主持功力？）都唔會嘅！因為吸引人嘅都係啲遊戲！我玩晒啲遊戲啦！全部都成功，不過全部都唔係一分鐘內完成，只要練多啲就一定唔會空手而回！」
另問到滿不滿意兩位新人拍檔黃心穎和林穎彤，克勤就說：「佢兩個都好聰明伶俐，好幫得手！特別黃心穎係選港姐出身，依家選港姐要成段時間，所以佢都好資深啦！唔會缺乏經驗！」