葉家寶反寸王維基
亞視高層葉家寶昨日對於出爐亞洲先生朱曉輝涉拍攝電影《遊》全裸露「小輝」一事回應：「同佢了解過《遊》其實未上畫，呢套係藝術電影，事實上朱曉輝亦冇喺戲中裸露。」至於逾期居留的亞生情況，葉家寶說：「依家朱曉輝、董鵬、周帥三個仲留喺香港，協助入境處調查。佢哋可以自由活動，只係佢哋暫時唔想出境。」他又否認亞視有支薪亞生：「嗰啲係補貼佢哋洗衫、打長途電話，唔係人工。」
對於城電老闆王維基寸爆亞視「零收視」，葉家寶說：「零收視喺亞視根本冇發生，根據香港大學民意調查無綫佔六成收視、亞視佔四成，香港人好奇怪，鍾庭耀做民生調查大家就相信，但就唔承認亞視收視佔四成，同埋有啲人別有用心，成日話我哋零收視。（講緊邊個？）心照啦，報紙成日講，大家理解o架喇。（所指王維基？）我冇咁講呀。」
