陳豪護茵媺：佢身不由己
陳豪和女友陳茵媺雙雙入圍角逐台慶頒獎禮最佳男、女主角，可惜陳茵媺被外界抨擊她在《天梯》中只是女配角，陳豪聞訊立即開腔為女友護航，強調她也是身不由己。
黎耀祥、陳豪、徐子珊和楊怡等人，昨日出席「萬千星輝頒獎典禮2012」記者會，一同等待入圍名單，陳豪憑《天梯》與黎耀祥憑《大太監》同樣成功入圍最佳男主角和我最喜愛的電視男角色，平分秋色。而其他視后候選人馬包括佘詩曼、米雪、周麗淇及胡杏兒等。
黎耀祥五五波
對於陳茵媺憑《天梯》角逐最佳女主角，卻被網民抨擊她在劇中只是女配角，主角是張可頤，身為男友的陳豪立即為女友護航說：「佢都係身不由己，做藝人好被動，全由公司安排，佢都唔會話一定要提名女主角啦。（心痛？）唔緊要，做娛樂圈一定有人鍾意你或唔鍾意你，做好自己已足夠。」
對於提名男主角，陳豪表示平常心面對，指黎耀祥和劉松仁都是實力派。而黎耀祥則笑言自己是偶像派，他說：「林峯係有好多fans，但電視觀眾有唔同種類，大家賣點唔同，五五波啦！」
楊怡膊擊子珊
憑《名媛望族》入選最佳女主角的楊怡，以一襲鈄膊衫追擊徐子珊，楊怡說：「信心一半半，平常心啦，但又唔會話自己冇機會。（有傳你勝算不及徐子珊缺席台慶？）點會有人未卜先知o架？」
而憑《雷霆掃毒》入圍的徐子珊則表示入圍感到緊張和驚訝，她說：「胡杏兒、楊怡、米雪和鍾嘉欣係大對手，我對自己個角色有信心。（憑強姦戲突擊？）我唔想係一場戲同情個角色而投票，但我都唔會介意。」同場的「蘇基」古明華獲提名最佳男配角，台上他表現得激動眼濕濕。
文：影視組