徐子珊搵老公揸車要型
【楊晉安澳門直擊】徐子珊昨於澳門新濠天地出席賽車活動，雖然不落場比賽，但她都會到車場看型男車手，並笑言將來搵老公，首要條件便是要揸車很型的男人！
徐子珊昨以一身型格打扮出席澳門「新濠天地澳門GT盃」活動，並坐着由名人馬清揚駕駛的紅色法拉利到場，型上加型！一向有玩開賽車的子珊，揚言今次因怕死不敢挑戰，她笑言：「佢哋所有車手都好專業，唔會畀我玩，我有女仔朋友都會落場，超羨慕！我之前喺上海比賽，因為有教練陪所以安全啲，自己始終唔夠經驗嘛！」
Dream Car法拉利
子珊直言自己很細個已揸車，故此已有十幾年駕車經驗，技術還可以，但在香港揸車定必會安全至上！子珊又笑言法拉利是她的「Dream Car」，不過，就算有錢都會投資磚頭不會買車，記者叫子珊找個有錢男友便可圓買車夢，她則笑言寧靠自己，不過，她亦覺得司機揸車很型：「未來老公都要搵揸車型嘅男人，（的士司機？）咦！保母車司機啦！（一陣間可以去車場（目及）吓型男賽車手？）都好，（搵埋男友？）咁易咩，都可以考慮吓嘅。」
唔要圈中人做男友
子珊於活動上與新濠博亞娛樂市場發展副總裁Grant Johnson有講有笑，子珊笑言：「頭先副總裁仲話送水舞間門票畀我屋企人！」子珊將要接拍新劇，劇中演警察，她已是第七次演這類角色，笑言希望今次是最後一次：「我好似包咗呢類角色咁，一要打就係我，可能啲人覺得我男仔頭，但其實我都怕痛！（你啲緋聞男友吳卓羲、黃宗澤都當你係男仔？）冇所謂，我都冇諗過搵圈中人做男友！」另外，子珊與敖嘉年、陳敏之早前到吉隆坡出席《首要媒體集團節目巡禮2013》宣傳無綫劇。