甄子丹羅馬行善 攝時間餵妻

甄子丹前晚單拖出席活動，問他太太汪詩詩為何不陪他同來，他表示太太要出席另一活動，但否認夫妻分頭搵銀，他說：「唔一定搵錢，活動唔一定商業，家庭或者慈善活動都得。我今晚就會同太太一齊飛去羅馬代表香港做慈善活動。（會唔會順道玩吓？）無真正玩嘅時間，我工作時太太都有工作，但會盡量攝時間撐枱腳，其實我哋兩個一齊見面嘅時間唔多。（咁啲仔女呢？）小朋友有外父外母湊，好多謝佢哋，自己成日都行開行埋。（會唔會爭取同太太二人世界？）人生咁短，要珍惜每個時刻，我同太太平日各有各忙，好珍惜見面嘅時間。」他又透露月底會開新戲《冰封俠》，但不肯透露女主角是誰。

張靜初擔正演話劇

同場的張靜初就表示最近沒有拍戲，最快要到12月份才開戲，而稍後會演出一個長達七個半小時的話劇，她說：「會於亞洲巡迴演出，劇中有很多演員，我是女主角之一，好期待，但也是體能上的一個挑戰。（有無親熱戲份？）大家到時看看。」

汪詩詩	張靜初賣關子未肯透露有無親熱戲。