蔣怡被瀨尿蝦拮傷標血

名模蔣怡（CoCo）為有線旅遊節目《快樂地球》做主持，暢遊馬來西亞深入阿曼島品嘗海鮮大餐。為食的CoCo一見海鮮檔主網起大大隻的瀨尿蝦，急不及待伸手入網掹着蝦尾抽出，怎料瀨尿蝦大反擊，CoCo慘被又尖又長的箝拮傷，鮮血直流，痛得紮紮跳的她尖叫求救，檔主見狀馬上為她解圍及止血。
蔣怡被瀨尿蝦拮傷手，檔主忙為她止血。
蔣怡被瀨尿蝦拮傷手，檔主忙為她止血。

CoCo事後笑言：「我真係未見過手臂咁長嘅瀨尿蝦，見咁大隻忍唔住想快啲拎去煮，結果因為太為食惹禍。好彩只係拮親隻手，無刮傷塊面！檔主覺得累到我受傷好內疚，話會捉番隻大蝦蟹畀我作補償同洩憤，所以我都無怪佢。」

為食的蔣怡狂擦海鮮。
  • 為食的蔣怡狂擦海鮮。