吳彥祖擔心患癌母
吳彥祖（Daniel）前晚與老婆Lisa S.齊齊出席活動，他透露身在美國的母親早前患上腸癌，嚇得他完成手頭上的電影工作後即飛往當地陪伴母親五星期。幸好吳母現已接受手術兼痊愈，令Daniel放下心頭大石。
平時熱心環保的型男吳彥祖與老婆Lisa S.前晚夫妻檔出席Ecovision Asia及國家地理頻道2012年度「清潔香港」運動，同場除有Daniel好友尹子維、歌手恭碩良等負責頒獎外，還有名模Rosemary擔任模特兒行騷，穿上環保物料tube dress的她谷行事業線現身，非常性感，Rosemary繞場行騷時，現場不少嘉賓和傳媒即舉起手機和相機拍照，成為全場焦點。
已做手術
活動後Daniel接受訪問，透露早前因身在美國的母親生腸癌，故與老婆飛往當地照顧母親，他說︰「媽咪早前發現患初期腸癌，之後做咗手術，我哋就去咗美國五個星期陪佢，依家媽咪已經完全好番。」他直言收到母親患癌的消息後非常擔心，但當時他正在拍戲，故電影殺青後才能飛往美國，他說︰「當時拍咗五日戲就收到呢個消息，殺青後即刻飛過去，好彩當時有家姐陪住媽咪。」
注重飲食
Daniel直言現在患癌症非常普遍，身邊的朋友亦患了鼻咽癌，他說︰「依家有cancer好普遍，唔一定係老人家，身邊有好朋友同埋藝術家朋友都有鼻咽癌，未必一定係食煙，空氣或者食嘅嘢都會有影響，所以依家我好注重健康，食有機食物，雖然貴但會長命啲。」