鄺美雲唔急收求婚戒指
「大美人」鄺美雲前晚與男友林達民恩愛出席「理工大學建校七十五周年晚宴」，她透露捐了七百五十萬到「勵學教授冠名計劃」。林達民在現場表現有點害羞，鄺美雲說：「唔係，不過問你哋問地產會好啲。（教佢應對？）唔需要，佢見報多過我呀！。娛樂版記者對我哋都好好。」
問到聖誕節會否與男友出埠，她說：「我生日呀，今年會喺香港搞派對，大家唔使買嘢畀我，去捐慈善啦。咁多年收過好多禮物邊有咁大間屋擺吖，一個人唔需擁有咁多嘢」首年與男友過生日，問到想收對方甚麼禮物，她說：「唔使嘅，開心就得。（想收戒指？）我做珠寶o架。（收求婚戒指？）唔使住。」