黃長興疑骨裂表演頂硬上
一眾藝人黃長興、狄易達、羅鈞滿、溫家偉、陳國峰及沈震軒等人昨晚在無綫停車場為台慶表演項目「飛躍壹廠大地」綵排，據知表演當晚眾人會以「飛躍道」 （Parkour）的方式從電視城停車場遊走一號錄影廠內外，全程不用威吔，只靠各人體力及團員合作。
連有舞蹈根底的狄易達亦承認有難度，他笑言：「到時我會有多啲翻身動作，師傅教我要有怕死的心態，咁先會識保護自己。（有冇買保險?）TVB有，我公司就一向都有買，我都試過練體操撞到後腦，搞到視力有殘影，要成個月先好番。」
至於早前因練習受傷的黃長興表示事隔一星期但仍未康復，他說：「醫生有建議唔好表演，話可能有骨裂，我尋日睇鐵打都要我戒口。（有冇改動作就番隻腳？）冇，着住波鞋多重保護冇問題，我會照做番啲高難度動作，但依家綵排會就住留力。」