周秀娜谷胸惹火 遭女狼啜損下巴
「宅男女神」周秀娜（Chrissie），前晚谷「警鐘胸」亮相聖誕亮燈儀式，更俯身「倒奶」任影，噴血指數爆燈。魅力沒法擋的娜姐，更自爆日前於馬來西亞登台時慘遭同性熱情粉絲拉落台強吻，下巴更因而當災。
擁有32D驕人上圍的「宅男女神」周秀娜（Chrissie），前晚身穿白色性感tube dress「胸降」，與師弟趙勁皓（King）齊齊主持聖誕亮燈儀式。本身已谷出無敵警鐘胸的娜姐，於台上玩遊戲期間更大方倒奶任影，令人血脈沸騰。
魅力沒法擋的娜姐，想不到亦成功吸引女性埋身，她受訪時透露早前於馬來西亞登台時遭同性熱情粉絲拉落台強吻，更因而蒙受血光之災：「尋日（大前日）我喺馬來西亞登台，啲粉絲好熱情，我喺台上畀人扯咗落去，有個女粉絲仲錫咗我塊面一啖，我第一次遇到咁嘅情況，嚇到唔識反應，混亂中我仲整損咗個下巴。」猶有餘悸的Chrissie表示當時情況驚險：「其實個台好高，嗰刻都驚出事，好彩最後有驚無險。（下次小心啲？）會呀！最重要注意安全。」
唔同男友報告
問到有否向男友陳偉成（Avis）報告狼吻事件，Chrissie表示：「無呀！都過咗去，而且遠水不能救近火。對方係女仔，最緊要大家安全。當時我亦有諗過錫番對方，不過最後都無！」
臨近聖誕，問到如何與男友Avis慶祝？她表示：「應該問番佢，等佢畀surprise我，不過聖誕節都應該要開工。」同場的King則透露聖誕會與家人前往泰國拜佛，並自爆有圈外女友：「我依家有拍拖，對方係圈外人，都拍咗幾個月。（同你一齊去泰國？）唔會，佢好忙。」
文：專案組