錢嘉樂光豬派對 寡佬盡歡

上周一眾姊妹跟盈盈於酒店舉行單身派對，大家一起傾密偈、吃飯及做spa，反而嘉樂的一班好兄弟如洪天明、鄭伊健、謝天華、金剛、曾志偉等，前晚於港島一酒店的泳池邊開「寡佬剝光豬」瘋狂派對，玩得興起之際，志偉失驚無神除剩內褲「boom」一聲一躍落水玩「炸水」，於是個個有樣學樣，齊齊剝衫褲跳落泳池，連現場招呼他們的侍應也慘被掟埋落水！

志偉先炸水

錢國偉昨日於電話中表示現場全男班，指金剛笑言好「dry」，志偉即第一個跳落水，他不是第一個醉嗎？錢國偉指大家都醉：「不過最醉嗰個係嘉樂，佢真係好開心。（佢玩到不省人事？）得番少少啦。」

謝天華則說因天氣轉涼，大家都沒想過會落水，沒想到志偉先跳落水大家才有樣學樣：「男人老狗怕乜！」今日早上天華會與兄弟團齊齊執到正到酒店，他說：「姊妹團好索？我哋都好choko架！（嘉樂有冇叫你哋唔好玩咁盡？）點會咁講，佢只會驚我哋唔夠癲，佢同盈盈都係玩得嘅人，不過盈盈有個『金牌』（肚裏BB）頂住。」

BB開心踢肚

昨晚記者與盈盈做電話訪問，心情輕鬆的她感到很幸福，問她前日註冊後有否跟嘉樂「洞房」？盈盈笑言：「冇呀，今日我哋全日一齊瞓覺，我哋淨係好似阿旺同老婆仔宣萱咁踩住個桶棟吓棟吓就得o架嘞！哈……尋晚我都好多嘢搞，之後就同班姊妹食晚飯。」說到嘉樂與兄弟們開瘋狂派對，盈盈說：「聽聞佢哋連個侍應都掟埋落水，佢哋喺現場都有同我微訊，錢國偉同我講話拖咗30幾個女仔嚟，跟住班男人就喺後面扮女人聲，我話你哋咪玩啦！」盈盈又說肚內的BB都感受到父母的快樂感覺，踢得好犀利，十足打鼓咁。快將成為「大伯」的錢小豪會送BB衫給弟婦。

文：影視組