祖兒崩潰 同何韻詩割席

祖兒與阿詩的逾10年好友關係，自阿詩過氣緋聞男友師兄今年6月宣布與祖兒拍拖後，有傳阿詩嬲爆在微博刪除師兄及其有關朋友的「關注」。上周六，阿詩在同志遊行期間高調宣布同志身份，祖兒頓成追訪對象而感困擾。加上前日阿詩被問祖兒是雙性戀時答：「好難答！」將祖兒捲入事件。

失蹤兩日 在家狂喊

昨日記者就何韻詩的言論致電祖兒經理人霍汶希（Mani），欲邀祖兒接受訪問，Mani說：「呢幾日祖兒唔想接受訪問，佢情緒好差！（因為阿詩出櫃言論？）其實祖兒好尊重何韻詩嘅個人決定，作為朋友當然支持佢，但佢連日來嘅言論，造成祖兒好大精神困擾，佢情緒爆煲，我同全公司同事都好心痛。」

據知，祖兒日前突然失蹤兩日，閉關在家裏不肯與外界接觸，當她昨日得知阿詩的雙性戀言論後崩潰，飽受煎熬的她終於失控，終日在家狂喊。Mani說：「祖兒係一個好勤力嘅藝人，一直默默耕耘，對家庭和感情事一向都非常低調，希望佢亦尊重祖兒對感情事低調處理嘅做法。但何小姐嘅言論令外界對祖兒各樣揣測，搞到祖兒好困擾。我建議祖兒唔好再回應有關何韻詩嘅言行，希望何小姐愛惜祖兒呢位朋友，唔好再增添佢嘅精神壓力同傷害。」

何韻詩前日被問祖兒是否雙性戀時竟答：「好難答！」	祖兒（左）與何韻詩初出道時情同姊妹，但相信此情不再。	何韻詩參加同志遊行，獲很多好友支持出席。

釋放自己 轉移壓力

對於阿詩主動表示祖兒支持她「站出來」，Mani說：「作為朋友，祖兒當然會尊重佢嘅決定。我認為呢個係何小姐嘅個人意願同行動（指宣布同志身份），但呢個行動為佢紓減壓力，佢釋放自己之餘，竟然將壓力轉移到祖兒身上，我覺得好唔公道，如果佢視祖兒係朋友，希望佢唔好再提祖兒。」

被戰友戰敗 就似親手給活埋

被你無情出賣 由細個到大

就算再偉大 仍恨你太像猶大

節錄自容祖兒歌曲《出賣》

採訪：專案組