樂樂 盈盈婚禮咀唔停
47歲錢嘉樂昨日迎娶37歲懷着五個月「蛇B」的「谷奶」湯盈盈，婚禮破天荒在主題公園中的大熊貓「盈盈」見證下進行，宣讀誓詞時新娘子盈盈「食螺絲」要求再讀一次，十分搞笑。一對新人結為夫妻亦將為人父母，雙喜臨門，難怪全程咀不停，幸福滿瀉。
近日圈中喜事停不了，繼霍啟剛與郭晶晶世紀婚禮、杜德偉娶嫩妻、Rubberband主音6號（繆浩昌）結婚後，昨日輪到現年47歲的錢嘉樂，奉「子」迎娶37歲佗着五個月「蛇B」的湯盈盈。拍拖五年的樂樂、盈盈有情人終成眷屬，結婚儀式特別挑選在海洋公園進行，並首次獲安排在國寶大熊貓盈盈見證下完婚，威水之餘又別具意義。
婚禮儀式簡單而莊重，一對新人在雙方家長、好友、兄弟、姊妹團包括洪天明、周家蔚、錢國偉、王祖藍、鄭敬基、梁靖琪、鍾麗淇和文仲嫻祝福下由律師證婚，但為免騷擾國寶大熊貓，婚禮全程需保持安靜，但也無阻樂樂和盈盈愛火，兩人猶如接吻魚咀個不停，盈盈在宣讀誓詞時感動得眼濕濕，而正在開餐的大熊貓盈盈也不時八卦「觀禮」。
「谷奶」升cup
樂樂和盈盈簽紙結婚後在餐廳會見近傳媒，懷有五個月蛇B的盈盈貪靚穿上3吋高踭鞋，體貼老公樂樂則全程拖實，盈盈雖然腹大便便，但面上未見水腫，不過上圍卻明顯「谷奶」升cup，加上低胸裝亮相，十分性感「胸湧」，而盈盈所穿的白褶裙婚紗也明顯為遮肚而挑選，樂樂與盈盈在傳媒要求下連咀四次拍照，實在甜到漏。
盈盈戴上分別是樂樂所送價值數十萬元的兩卡鑽戒及贊助商所送價值數萬元的婚戒接受訪問，樂樂透露婚前雖然感緊張，但宣讀誓詞也是一次完成，更笑謂沒有錯字、沒有懶音，如同「快版King Sir」般字正腔圓，他笑說：「我唯一識嘅英文就係I do。」盈盈宣誓時卻口窒窒「食螺絲」，她賴為遷就樂樂用中文宣誓，更要求重演一次，樂樂也體貼安撫妻子，認為一家人輕輕鬆鬆，也不用太完美。
講到由國寶盈盈見證，樂樂指感覺好似在拍戲，也擔心大熊貓百厭，但剛好熊貓正在開餐，所以相當乖巧，加上BB好腳頭，所以近期諸事皆順。由於大熊貓館內要保持安靜，盈盈說看着一臉嚴肅的樂樂幾乎被他迷人眼神電暈，其實受訪時盈盈不時冧爆眼定定望實老公，樂樂也忍不住笑說：「你使唔使流晒口水咁，暴露晒弱點出嚟。」盈盈則冧說並不介懷。
玩遊戲估性別
樂樂早前參加遊戲節目贏得雙人環遊世界機票，待盈盈產後會補度蜜月，兩人在明天（15日）擺酒時也與嘉賓分享喜悅，樂樂說：「盈盈話等啲賓客估BB係男仔定女仔，估中有機會贏到兩張去泰國嘅商務客位機票，到時如果係士多啤梨蛋糕就係女，朱古力蛋糕就代表係仔。」問到為BB改名未？樂樂笑說：「有諗過叫做錢進進，唔通叫錢世、錢七咩。」儀式完結後盈盈換上平底鞋由樂樂拖實離開，不少遊客也恭賀他們，一對新人好似出巡一樣威風。
採訪：影視組