諸葛6位數吊墜 賀老公牛一
諸葛紫岐（Marie）老公薛嘉麟前日正日生日仍陪Marie出席活動，認真恩愛。向來在老公面前是位小公主的Marie，受萬千寵愛，原來與奶奶的婆媳關係亦非常之好，深得奶奶信任，買一個價值六位數的吊墜都全交由她負責，絕對是名副其實的「薛王妃」。
前晚「薛王妃」Marie與當天正日生日的老公薛嘉麟（主席）拍拖出席活動，當接受訪問時，在旁的主席即閃人，Marie笑言他向來也十分怕醜。問除了送上印有主席從小到大的相片之外，還預備甚麼為老公慶祝生日？初時希望給老公驚喜的她不願透露，後來她表示與奶奶夾份買了一個價值六位數的名貴吊墜送給主席作生日禮物，她說：「係一個好特別嘅吊墜，有字，佢一定好鍾意！佢之前講過鍾意但唔捨得買。」Marie與奶奶關係非常好，她還透露：「奶奶係咁叫我諗送咩好，（主席已經收到？）未，今晚（前晚）先知。」記者笑言吃完人蔘宴後回家造人，她說：「等我食多啲好嘢補吓身先。」
張可頤自言走寶
已加盟王維基城電旗下的張可頤對於被指遭TVB杯葛而禁她回去，她即以「好驚喎」回應，然後再解釋：「嗰度係我娘家、長大嘅地方，依家去到另一個階段，出去呢個世界闖吓。」提到有指劇集《大太監》中米雪一角原本是由她飾演，可有因離巢而感到走寶？經常在內地工作的她笑言：「我走寶冇得睇，相信套戲好睇！」對於有傳劇集《天與地》中佘詩曼有機會當視后，問她可有機會藉《天梯》得獎？她即搞gag說：「飛躍退步獎就有，我諗都難啲，依家冇約，機會微啲。」談到政府仍未發免費電視台牌照給城電，她表示很多市民和朋友支持發牌，問如不發牌將有何動向？她笑言：「問老天爺，唔到我諗咁多，至今都有正能量，信心冇動搖。」
周汶錡被母催谷
而穿露背裝的周汶錡單拖出席，透露母親經常煲老火靚湯給外籍老公飲，問為何不親自動手？她說：「佢話媽咪煲嘅好飲好多！」記者笑言其母想她和老公補養好身體生B，她說：「唔怪得近期煲密咗咁多！（會否做煮飯婆？）要預幾日時間諗煮咩、買餸同煮。」同場還有模特兒汪圓圓、江若琳等出席，場面熱鬧。
文：名人組