Cara G.色玩平衡

Cara G.

好有品味，非常好睇！上身Colour-blocking衫，識得配襯中性色系去中和番，黑色係最好的顏色。今年同明年都流行70年代懷舊風格，佢着到個時代感出嚟，又有潮流元素。

周麗淇

幾靚，同樣運用黑色去平衡番多色嘅衫，balance番個色調，唔會令人有衝擊眼球嘅視覺，品味係咁嚟。

吳雨霏

着得麻麻，放得太多顏色上身，唔應該多過三隻，不但冇咗焦點，太colourful好似一幅牆紙，如果減咗對leggings會好睇啲。

容祖兒

整個outfit好奇特，雖然以黑色去配搭Colour-blocking，但下身太多色，好似拼貼圖案，視覺令人覺得斬開咗兩截。

黃佩霞

模特兒出身嘅佢身形靚、膊頭靚，而且今季興簡約主義，唔花巧冇detail，佢只係玩顏色，跟貼潮流元素，再戴閃爍belt highlight整個造型，着得好睇。

周麗淇	吳雨霏	容祖兒

徐濠縈

係佢貫徹嘅作風，冇新鮮驚喜，而呢套衫鬆身，冇線條之餘又顯得累贅。如果將belt位提高少少，強調番個腰部，線條會出番嚟，會利落好多。

黃佩霞	徐濠縈	舒淇

舒淇美飾贏陳喬恩

早前第一代性感女神舒淇與台灣偶像劇女星陳喬恩分別在活動中穿着同款metallic tube dress，雖然同款同色，但放於不同人的身上和不同的配搭，出來的效果可以很大。Janice大讚舒淇花心思配搭，懂得match上飾物如耳環及手鏈，還襯上booties去平衡女性化的裙；相反，陳喬恩沒佩戴任何飾物，只套上一條裙便草草了事，加上超典型的女性化髮型，有點俗氣。

陳喬恩	王麗儀（Janice Wong）

王麗儀Profile

Janice Wong，時裝作家及博客（blogger），是16年前華語媒體中首位遠赴歐美時裝周報道的時裝編輯，並經常為香港及海外的時裝設計比賽擔任評判；另外，美國CNN旗下亞洲生活時尚網站讚譽她為「香港首位真正的時裝權威」，香港Yahoo更推舉她為「時裝文化人」，最新暢銷著作《我的時尚騷靈》。