陳偉霆硬食摑到面腫
歌手陳偉霆（William）在新戲《紮職》中演出賣力，為求拍攝效果逼真竟要求吳浩康（Deep）出力真打，搞到周身傷，嚇怕自己的媽媽。戲中Willam飾演一位膽識過人、好勇鬥狠的蠱惑仔，他為博上位，不惜在字頭內樹敵，結果得罪吳浩康而慘遭虐打。拍攝該場戲時，William為求逼真，竟叫打開泰拳的阿Deep不要手下留情，出盡力打，最後因為要遷就不同拍攝角度，Willaim結果遭阿Deep及一班大漢拳打腳踢接近兩小時，掌摑聲更大得可以即時收音。
收工方知周身傷
因為William當時赤裸上身只穿孖煙囱，不能加上任何保護墊，所以收工時他發現自己身上有多處瘀傷，右邊臉更腫得誇張，影響了拍攝，導演只好拍他的左臉以免唔連戲。
右臉紅腫超誇張
William事後笑言：「識咗阿Deep咁耐都唔知佢咁打得，原本諗住真打逼真啲，點知真係傷咗。我右邊臉腫到導演以為係特技化妝，仲話太假，叫我唔好化到咁誇張。」
文：影視組