何以被揭發偷情稱作「照田雞」呢？當然要由花名「田雞」的喜劇演員田啟文親自解釋啦！他說：「因為田雞唔見得光，黑麻麻好活躍，但一畀電筒照住就硬晒唔郁，所以如果當場斷正等人捉就叫照田雞囉！」他透露當年入行時為自己起花名「田雞」，雖聽起來較「肉酸」，但笑言最重要令觀眾開心：「希望多啲人記得自己，又唔想人記得我真名喎！試過畀人用粗口鬧做『四眼田雞』，但我都唔會嬲。」
