子珊林峯撐同事 唔信係真
有份演出《雷霆》的演員包括林峯、徐子珊和黃智賢等，對吳綺莉、鄧梓峰的不確傳聞大感愕然，也不覺得二人過從甚密，其中林峯說：「我都唔知網上傳得咁厲害。（信唔信？）成日都有呢啲唔好嘅傳聞，我唔相信。（二人有交往？）我多數同鄧梓峰同場，好少三人一齊開工，冇察覺到。」而子珊則說：「我都冇八卦人哋呢啲嘢，我唔相信係真囉！」另黃智賢於電話中說：「完全冇聽聞，我唔信，係咪惡作劇呀？成日放啲流料。」至於監製林志華對傳聞亦大感錯愕，並說：「冇辦法諗到會係呢兩個，我聽完個傳聞都唔開心。」
此外，網上討論區亦熱烈討論「車震」消息，大多數網友都持懷疑態度，並不相信「車震」是事實。其中一名網友更「警告」發放消息的人，稱未經證實案情都不可胡亂散播，否則可能會觸犯法例。
