Alice B.母患肌肉萎縮來港醫
「第四代Canon甜心」Alice B.及模特兒徐靖雯昨日出席大埔超級城聖誕活動記者會。Alice透露剛把定居泰國的患病母親接來港醫治，以方便照顧對方。她說：「有啲菌令到佢嘅肌肉萎縮，先係腳，依家抗散到喉嚨嘅肌肉。」她氣憤地表示母親於泰國住醫院期間，因院方下錯藥，導致母親的肝臟出現毛病。問她有否打算控告該醫院？她說：「其實我有諗過，不過嗰邊好落後，就算告佢哋都唔會得到咩補償。我反而係想講畀佢哋知我對佢哋嘅失誤好不滿！」
而徐靖雯表示現正學習廣東話，並笑言學會了一點髒話。問到她有沒有打電話問候前緋聞男友鄭嘉穎的眼傷？她即避忌回應：「冇，唔想提。（唔再係朋友？）唔可以答，問下一題啦。」
