金剛為小鳥平反：女友都話大

壞（外）面真係好多人讚我靚仔，我知o架，其實自己一啲都唔靚仔。以前有個女朋友同我講，話我五官分開會好靚，拍埋一齊就搞成咁。唓！你估我想咩？媽媽生成我獨特靚樣，唔抵得呀？

天生鬈毛剷光免煩

其實我真係巧（好）滿意我一雙會講說話嘅眼睛，死（水）汪汪咁，似有情生（深）說話未曾講，就好似梁巢（朝）偉咁，電到你暈！有問我典（點）解咁靚仔唔留長頭髮，仲有人以為我冇頭髮添，傻嘅！我不知幾多頭髮，但因為我天生鬈毛，仲要鬈得好樣衰，所以自高中二年級開始就剷青囉！至（記）住呀，我係有頭髮o架！

呀！仲有好多人話我身形fit喎，其實唔係o架，因為我自小鍾意打棒球，搞到身形手短腳短，身形比較好，只係因為我識着衫，懂得隱惡揚善，大家先覺得我fit啫。不過依家又要拍新一輯《街坊廚神》，唉！我係一個正常三餐進食都會肥嘅人，睇嚟又要肚腩大作戰喇！

遭網友取笑何Ｂ仔

早前咪話我喺《LAUGHING GOR之潛罪犯》中露何Ｂ仔嘅，雖然好短，唔係，係個鏡頭好短，睇番個size，應該係屬於本人。當時畀網友取笑我小鳥喎，我冇睇日本ＡＶ男優有幾大，但我睇歐美四仔就應該同巨鵰白人及希（黑）人差唔多，只係細小小啦！有口痕友問我大定何用（潤）東大，又未掂（見）過，鬼知咩？

不過大唔大鵰唔係自己講，以前啲女朋友見過都讚佢係龐然巨物，可能係氹我啦，但我最要好嘅兄弟每次見到我那話兒，都一定講：「你真係同其他人唔同！」

口述：金剛

筆錄：專案組