陳奕迅舉家度假怕洩行蹤

陳奕迅（Eason）、張敬軒、孫耀威及關心妍前晚出席音樂騷，high爆兼下體疑似激凸的Eason默認將會一家三口去旅行，更鬼馬向記者呼籲：「大家唔好騷擾我喇！好難得有幾日假，不過通常啲途人都會影我相放上網，暴露晒我啲行蹤。」談到年尾頒獎禮，Eason大爆正準備戰衣：「諗衫好煩呀，可能都係唔着算喇，雖然去年話過唔再出席頒獎禮，但今年有得去嘅都會去晒，當宣傳吓新碟囉！」至於軒仔獻唱時就驚現Big鵰，問他可有尷尬？他就轉移視線說：「唔好望我條褲喇，我上身靚啲，呢件皮褸係Lady GaGa嘅設計師設計o架，全世界得一件，好貴o架！」