張曼玉畀黎芷珊氹掂
國際影星張曼玉（Maggie）前晚出席時裝店開幕時，獲近日因主持無綫節目《最佳男主角》而人氣急升的主持黎芷珊邀請上《最佳女主角》受訪，事後芷珊表示雖然與Maggie交情不深，但憑着經驗和口才氹掂Maggie，她還透露已落實的「女主角」人選有劉嘉玲、楊千嬅。
Maggie前日專程來港出席Burberry香港首間旗艦店開幕，重量級嘉賓還有內地型男黃曉明、韓國組合少女時代成員Soo Young和Yuri、《變形金剛：黑月降臨》女主角Rosie Huntington-Whiteley等，星光熠熠。
陳年緋聞眉頭皺
無綫資深主持黎芷珊特別到現場邀請Maggie上《最佳女主角》節目，記者致電芷珊是否成功？她說：「可以咁講，唔透露咁多，好多可能性。（交情深？）冇乜，但成日訪問佢，都知我係邊個。」而已落實的「女主角」有劉嘉玲和楊千嬅。
當Maggie接受電子傳媒訪問，曾跟梁朝偉傳緋聞的她被問到有報道指鮮有地與偉仔老婆劉嘉玲同場出席活動，Maggie可有留意該報道？她帶笑說：「冇睇，邊度寫？仲有人講緊？」再問她有否拍拖對象，她表示沒有後便跟公關離去。
周汶錡大嘆走寶
新婚的周汶錡（Kathy）到場後因場地太大，人頭湧湧大嘆錯失見Burberry首席創作總監Christopher Bailey的良機：「好想見到佢，我啲朋友都有同佢合照，仲show畀我睇，見唔到佢好失望！」Kathy還大讚Rosie又高又靚女。享受新婚樂的Kathy偶爾低調做慈善工作，亦有意與時裝品牌跨界合作，不過尚未有落實計劃。至於樂基兒回港會否相聚？她說：「Gaile回港後好忙，暫時唔想打擾她。」
而黃偉文表示已有四次與Christopher會面，但是次未能與對方打招呼：「佢好快走咗，照我所知，我哋班friend中冇人可以埋到佢身兼合照到。」對好友容祖兒與何韻詩同場一事，他坦言三人各有各忙，幾個月來他倆第一次碰面：「其實佢哋都係正常朋友，只係大家成日好奇想知佢哋嘅事，講真，佢哋根本彼此冇仇恨，亦冇唔鍾意對方。」
文：名人組