莊思敏撞色青春
每年步入秋冬季節，皮製服裝又要再次出動！通常採用牛皮或羊皮裁製，質地分別有硬性和軟性，出來的效果亦大有不同。最常見的皮製物都是黑色，要把它們穿得時尚、美麗、獨特，絕對需要花點心思選購再花點工夫去配搭。時裝blogger Janice對一眾女星穿皮製服裝有不同的評語，大讚莊思敏帶出青春活力，時尚潮人徐濠縈黑撞shocking pink有驚喜。
莊思敏
着得好靚，短裙配長boots很青春、很有活力！亦都大玩撞色，黑配橙紅色，仲match埋髮型，唔錯。
徐濠縈
絕對係時裝界潮人！好有意外驚喜，以黑同粉紅色作整個造型嘅tone，既funky、趣味性又高。outfit大玩visual impact，match埋髮型同眼鏡，係一流嘅配搭。
嘉玲趙式芝未分高下
早前劉嘉玲與趙式芝分別在不同場合穿上同款Lanvin秋冬作品，黑撞白色的強烈對比，大玩ruffles兼大露背。裙的剪裁十分強，帶有幹練感覺。二人不相伯仲，身材及高度絕對carry到，均着出那種時尚型格味道，連Janice也覺得難分高下！
周汶錡
大方得體又莊重之餘，優雅又青春！連身裙能令穿衣者顯得年輕；而且一般着皮革會以黑色居多，選杏色非常特別。
Janice Man
條裙設計靚，下面透視上面係皮，好獨特；佢佩戴heavy metal、rock味嘅飾物，感覺非常型格，但個髮型太女神，扣咗分。
吳佩慈
成熟、女人味好強，佢係模特兒所以都carry到長褸。可是只係穿上一件穩陣嘅褸，整個配搭冇驚喜。
吳千語
通常皮容易令人顯得成熟，幸好dresscoat唔過長，唔會令佢老咗。其實唔加leggings仲好睇，短裙騷長腿更增添活力。
鍾欣桐
All black係保險作，應該玩今年大熱嘅colour tone撞色。另外，boots顯得雙腳臃腫，應穿slim boots。
王麗儀Profile
王麗儀（Janice Wong），時裝作家及博客（blogger），是16年前華語媒體中首位遠赴歐美時裝周作報道的時裝編輯，並經常為香港及海外的時裝設計比賽擔任評判；另外，美國CNN旗下亞洲生活時尚網站讚譽她為「香港首位真正的時裝權威」，香港Yahoo更推舉她為「時裝文化人」，最新暢銷著作《我的時尚騷靈》。