薛家燕愛心湯水晒幸福
薛家燕因主持飲食節目而發現不少嘉賓男藝人其實是入廚高手，比女人煮得更叻而大嘆香港女人有福，家燕姐從中洩「蜜」，她一句「香港女人有福」其實是自晒幸福，飽嘗滋潤的她原來定期有寶貝男奉上「愛心湯」。
熱愛家庭的薛家燕，其實很愛煮「住家飯」，既可給子女食得健康，又可食出一份「親情」，早在「七公主」年代，家燕姐稱姊妹們參與聚會，如陳寶珠、蕭芳芳等都會煮一味餸去共同分享，而她的拿手是「蒸魚」，要魚身滑的竅門，家燕姐說：「幫條魚『化妝』！即係搽生粉喺條魚皮面，蒸出嚟特別滑！不過我依家忙就好少親自入廚，（有人煮畀你食？）我有好夠嘅湯水囉！我成日都話，香港女人有福，好多男人都好叻煮嘢食，所以女人唔好眼角高，我承認係幸福女人o架！」
吳鴻森教路
除了平民食材外，愛進補的家燕姐亦因名貴的鮑參翅肚要揀得叻，都要向食材專家吳鴻森（Sam）請教，Sam與家燕姐老友鬼鬼，更是家燕姐主持的飲食節目《皆大歡喜之溏心風暴》的顧問及評判，所以二人最愛研究煮食，尤其家燕姐希望將名貴食材煮得「聰明」，Sam亦提供不少心得，如冬蟲草頂部的黑絲，多被誤為「冇用」而被切去，事實上是最有價值。
日日食燕窩
另她最愛吃的燕窩，原來兩邊的燕角（稱為「盞角」）更有營養：「燕盞用燕子口水築成，但兩邊要更多嘅口水先可以夠膠黐住個牆嚟築巢，咁兩邊個盞角咪有更多嘅膠質，我哋女人食咗會更補囉！我燉一窩擺雪櫃，每日食半碗，長期食，有充足膠原，女人皮膚就會滑不溜手。」
文、攝：影視組