張晉一家三口愛食辣

內地武打演員兼蔡少芬（Ada）老公張晉為有線節目《美味關係》錄影，對於老婆主演的《甄嬛傳》受熱烈追捧感到高興，更透露Ada佗B拍劇而唔開心，張晉說：「佢佗住囡囡時我唔喺佢身邊，我惟有同佢傾電話氹番佢。佢會話我知第二日要拍咩，拎埋個劇本讀畀我聽，搵我同佢對戲。依個就係同行嘅好處。有時佢拍戲要講國語，會問我啲發音係點，佢又會掉番轉頭教我講廣東話。」
張晉為飲食節目錄影，並透露老婆曾因佗B拍劇而唔開心。
張晉為飲食節目錄影，並透露老婆曾因佗B拍劇而唔開心。

另外，他指囡囡楚兒遺傳了他及Ada愛吃辣的基因：「囡囡唔夠一歲時，我試過畀少少辣味佢試，佢一食塊面就紅卜卜，個樣好似好辛苦咁，但又係咁追住要再食，唔畀佢食就呱呱嘈，所以有時我會畀少少辣味佢食吓。」

蔡少芬與囡囡同樣愛吃辣。
  • 蔡少芬與囡囡同樣愛吃辣。