朱晨麗：馬國明含蓄 吳卓羲激啲

前香港小姐冠軍朱晨麗去年還未卸任已被安排接替陳法拉參與台慶長劇《名媛望族》拍攝，戲份由頭到尾，並與無綫兩位小生吳卓羲和馬國明譜出三角關係，劇中朱晨麗還先後與馬國明和吳卓羲拍攝咀戲，不過，兩位小生的「咀法」卻大不同。

先後與馬國明和吳卓羲拍攝咀戲的朱晨麗接受專訪時透露兩人的「咀法」各有「獨門秘技」，她表示：「馬國明事前會先同我溝通，問我介唔介意錫嘴，如果介意可以改為錫額頭，最尾都錫咗嘴一下，當時係第一次拍咀戲，反而緊張到唔記得對白多過尷尬。」

朱晨麗不擔心與吳卓羲傳緋聞。	朱晨麗的螢幕初吻獻出予馬國明。	朱晨麗當時還未卸任港姐，已被無綫委派拍重頭劇。

唔怕惹緋聞

相對馬國明的含蓄，吳卓羲則直接得多，朱晨麗笑說：「同吳卓羲嗰場戲好激，由企喺度咀到落床，事先大家都冇溝通過，一開機就咀，冇心理準備又拍到嗰種激情效果，仲一次完成。佢拍咀戲似乎好有經驗。」雖然連咀兩位當家小生，但朱晨麗稱因為全心投入角色，所以對與兩人的熱吻完全沒有feel。

易惹緋聞的吳卓羲幾乎每套劇也與女拍檔傳緋聞，問朱晨麗可擔心與吳卓羲傳緋聞？她說：「唔擔心，其實佢開工好專心、好Cool，都唔係點出聲，所以都唔明佢點解會有咁多緋聞。」

文：影視組　

攝：司徒國榮