林熹瞳曱甴淋頭諗起就喊

「怪談女」林熹瞳與藝人趙哲妤，在司徒法正師傅率領下，到了東南亞多個地方取景拍攝電影《怪談電影-撩鬼》。對於「探靈」經驗豐富的林熹瞳，坦言今次過程十分驚嚇，自己多次亦被嚇得哭了出來，她說：「越南一站我要喺一間獨立屋入面招靈，現場四面無通道令我好有壓迫感，拍到差啲暈喺現場。」她又透露對攝製隊愛又恨，因為往往遇上驚險情況時，攝製隊總是「盡忠職守」繼續拍攝，並沒有出手相救協助逃離現場。

熹瞳更謂平生最怕曱甴，但今次卻要被數十隻曱甴照頭淋，超越了她的底線，令她考慮日後會否再度合作，她說：「我拍完之後返香港，喊咗好多次，媽咪都安慰我，叫我唔好再做，佢話人哋個女就正正經經，點解自己個女就要咁受苦，好心痛。」

手上生粒粒。

林熹瞳有驚嚇體驗，坦言日後要考慮清楚才接拍靈異電影。

拒飲怕大肚

趙哲妤同樣表示今次「見過鬼都怕黑」，她說到過越南一個教會，該處聲稱可以令女士「無性懷孕」，她說：「去到見到好多女仔個肚都好大，現場有人提供咗一碗嘢畀我飲，我堅持唔飲，擔心飲咗都會大肚，咁就出事嘞嘛。」她表示今次經驗可以用「畢生難忘」來形容。

司徒法正與趙哲妤（右）、林熹瞳拍攝怪談電影。

司徒法正帶隊到東南亞地方探靈。

此外，趙哲妤昨日原本出席一時裝活動，但臨時甩底，她透過經理人電話回應：「因患上嚴重敏感，全身包括面上也長滿粒粒，原來之前去馬來西亞拍《撩鬼》回來已經敏感，看過多次醫生都未好，昨（前晚）出席完澳門宣傳後更加嚴重，所以去唔到活動，現中西合璧醫治，可能得到怪病，會搵師傅幫我。」

文：影視組