喬寶寶棟篤笑睇子華偷師
從參加綜藝節目入行至今，喬寶寶予人一種搞笑形象，他坦言現實生活中同樣笑料百出，非常精彩，故將離開香港的他將開Talk騷分享趣事，並已去看黃子華的Talk騷偷師。
因老婆未有居港權，印裔香港人喬寶寶將舉家離開滿載回憶的香港，雖然離別在即，但平時以幽默見稱的喬寶寶為讓觀眾對他留下一個美好回憶及代表作，故將舉行棟篤笑，他說︰「我會講自己一生笑料，當然係喜怒哀樂，又或者諷刺時弊，所以依家不停度緊新嘢，唔想畀人覺得悶。」
令同事食物中毒
過往本港出產過不少笑匠，對於這次的處男騷，喬寶寶直言未感壓力，他說︰「大家係唔同層次嘅人，無得比較，但自己中文字唔多識，加上經驗尚淺，當然冇黃子華咁出色啦！」故他亦坦言已去看對方的Talk騷偷師。
提到他於生活上的趣事，他直言多到數唔晒，更用「笑料百出」來形容自己，其中他笑說︰「以前做懲教署時，因為有聚會大家都要煮嘢食，得我一個印度人所以要我整咖喱，但我唔識整，返去學，結果有隻香葉落重手咗，有同事食完後就食物中毒，其實我冇心，但就做咗壞事。」
言語間喬寶寶的回憶中充滿歡樂，不經意便哄得身邊朋友笑個不停，對於是否因這種特質而成功冧掂老婆？他則指於結婚當日才看到老婆「真身」，他笑說︰「嗰時媽咪要我結婚，只係畀咗三張相我睇，係加拿大、英國同印度，頭一個有錢但離過婚，英國嗰個太肥，而印度有親切感咪揀咗，點知結婚嗰日睇同張相差好遠，哈哈，但我冇後悔！」