黃建東美國留學遇歧視

「前港男」黃建東（Derek）日前連同好友蕭家浩（Edmond）及黃穎君（Burmie），與香港一班南亞裔人士參加同樂日，他說：「我覺得做演藝圈，可以借助藝人嘅知名度做多啲有意義嘅事，今次我哋就想喚起社會關注香港嘅少數族裔人士需要，活動上我都有分享我以前喺美國留學同打工被人種族歧視嘅經歷，冇喺外國生活過嘅人係唔會想像得到。所以當日有位菲傭講到佢已經三年冇返菲律賓、冇見屋企人，嗰種受盡歧視同孤零零，好易令人對生活沮喪，亦令我諗番起自己當年喺美國，兩年至返香港見媽咪一次，平時同媽咪傾親長途電話都眼濕濕嘅經歷，所以我哋除咗唔好有種族歧視外，更加應該多啲關注少數族裔。」