Kawaii演舞台劇險走光

歌手吳彤連同Kawaii及一眾小朋友早前合演舞台劇《一屋細路仔》，兩人在台上又唱又跳，非常落力，首次擔演舞台劇的Kawaii坦言：「起初以為客串角色只需要綵排一兩次就夠，但原來好高難度。」在旁的吳彤就大讚Kawaii：「起初見佢綵排時雞手鴨腳，經過苦練就有板有眼，仲成日搵我加排，我估佢從此會愛上舞台演出。」
吳彤及一眾小孩齊合演舞台劇。
吳彤及一眾小孩齊合演舞台劇。

Kawaii又大爆自己演出時差點走光：「因為件戲服有啲鬆，差啲跌落嚟，好彩冇事！如果唔係變成成人歌舞劇啦！」另外，吳彤亦趁機呼籲大家要愛護「細路仔」：「當中有唔少小演員真係來自破碎家庭，所以希望大家認真對待婚姻，唔好影響到下一代。」

吳彤及Kawaii在台上又唱又跳，非常落力。
  • 吳彤及Kawaii在台上又唱又跳，非常落力。