吳若希變態攞刀兇男友
歌手吳若希（Jinny）日前為新歌MV化身「變態女友」，當中的她以手銬及鐵鏈鎖實男友，為營造恐怖氣氛，她更手持利刀指嚇對方「唔好沙沙滾」，Jinny坦言現實中的她是個貼心兼溫順女友，只是間中發小姐脾氣的難頂女友。
星煥歌手吳若希（Jinny）日前拍攝新歌《Can't Let You Go》MV，為配合歌詞，導演特別請來男模飾演Jinny男友，穿上短裙的Jinny大騷42吋長腿，她擔心遭男友「飛起」及「四圍滾」，故用鐵鏈及手銬鎖住對方，Jinny更應導演要求用利刀指嚇對方。
現實溫順
Jinny坦言MV中的她很「變態」，她說：「現實中梗係唔係咁啦，都幾細心、貼心同溫順o架，雖然幾男仔頭。」Jinny補充用刀指住男模是營造恐怖氣氛，並呼籲小朋友勿模仿，問到現實中的她是否「難頂」女友？她說：「係o架，要搵個遷就我嘅人，之前拍拖會亂發脾氣，少少事就叫分手，最終上得山多終遇虎分手收場。」
愛成熟男
問到Jinny是否24小時Check住男友行蹤？她說：「唔算，睇吓對方點啦，如果自動自覺就唔使，但成日搵佢唔到就梗係會Check啦。」Jinny表示為有安全感，偏愛較她大8年、10年男子，她說：「感覺上成熟同定性啲，我唔識佢教到我。」
文：音樂組