林熙蕾老公撐親熱戲照拍
台灣女星林熙蕾（Kelly）、本地藝人余安安等昨日出席活動。穿上Deep V長裙的Kelly透露活動後便匆匆返回上海照顧14個月大的女兒，並笑言女兒跟她一樣貪靚。她坦言希望再生第二個小孩，但由於養育一個孩子絕不簡單，要花上不少金錢及時間用心照顧，故目前只抱順其自然的態度。而問到她會否再拍電影？她說：「會，但唔知幾時，因為拍親都要離開屋企兩、三個月，會唔捨得個女。（會唔會唔接親熱戲？）我先生話唔介意，工作還工作。」而問到她有否關心好友舒淇的感情狀況？她說：「唔知。（有網民希望佢同番黎明喺一齊喎！）佢哋有一齊過咩？最重要係搵個用心照顧佢嘅人。」
同場的余安安透露自己因生日而增磅不少，被問到是否與相差22歲的男生蜜運中？她笑說：「唔使問啦，仔嚟o架！（佢有冇送嘢畀你？）有，送酒。」而問到兩名女兒可接受她拍拖？她笑言：「梗係接受，佢哋只要我覺得開心就OK。」
