JC身材降伏男友
昨日Jessica C.（JC）身穿tube dress出席apm玩轉潮流聖誕城活動，不知是否因受早前疑似露暈事件影響，明顯性感欠奉，她說：「今日條裙OK，不可以再too much。」她又透露媽媽也越洋質問她是否隆胸：「媽咪見到張相都有問我點解大咗（指胸部）咁多！當日係玩cosplay，係件衫問題。（露暈？）好尷尬，唔知係咪，媽咪都有問，我覺得自己冇露。（男友Mr.Bond有否投訴？）男友只投訴他為何當日不在場，其實佢見到我身材時都話想娶我，女人真係有呢種powerful。」她又稱聖誕會偕同男友回洛杉磯與家人度聖誕。
同場的Ana R.表示為慶祝本月29日生日，與男友到峇里旅行，十分浪漫，問到男友可有求婚？「我哋拍拖五個月咋，黐線咩。」問她早前公開大讚高以翔靚仔，男友有否呷醋？「佢真係好靚仔，係亞洲Brad Pitt，男友冇呷醋。（之前話鍾意亞洲男，依家轉口味？）之前我同三個亞洲人拍拖都冇好結果，依家呢個係我首個英國男友，佢好完美同sweet。」
