楊柳青自爆戀情冇做小三

Jessica C.師妹楊柳青（Wiyona）最近與周秀娜男友陳偉成（Avis）傳出緋聞，但Wiyona對此一笑置之，指雙方已認識多年，絕不會擦出愛火花，還趁機公開自己已有一位拍拖多年的穩定男友，且跟Avis亦老友鬼鬼，向男友大派定心丸之餘，亦突顯其坦率可愛的個性！

Wiyona自爆已有拍拖多年的男友，望緋聞不攻而破。

楊柳青（Wiyona）因參加2011 now TV CEO選拔賽，奪得最受歡迎CEO獎而成為now主持，但她加入模特兒界已近6年。外表Cool爆的Wiyona原來十分愛笑，連她亦自覺最大賣點是傻大姐性格，她笑說：「我個人好鍾意笑，好鍾意講嘢，可以不停講，畀人感覺好開心，依家年代唔同，model可以sell真正嘅自己，唔需要一定要走斯文玉女路線。」

同飲一支水

Wiyona又表示自己從小到大都喜歡時裝，但小時候沒有多餘金錢置裝，於是會想出不同的配搭方法，讓別人認不出她重複穿着同一件衣服，又認為穿衣不一定要全身名牌，所以，貪靚的她近年還開設了自家時裝店，早前就拍到周秀娜（Chrissie）男友陳偉成（Avis）陪她到荔枝角服飾批發商場為店鋪入貨，因而傳出緋聞，對此Wiyona並沒有反感，反而笑說：「啲相影得幾靚呀，我哋係好朋友，識咗好多年，可以一支水兩份飲都得，你哋（記者）唔好再咁講啦，Chrissie叫我睇住佢o架。」繼而坦率承認自己已有一穩定男友，男友跟Avis亦相識多年，所以不怕緋聞會為大家造成誤會。

愛笑的Wiyona，自覺傻大姐性格是其賣點。

Wiyona做模特兒之餘更開設時裝店一展所長。

唔玩地下情

事實上，有很多新進模特兒或藝人就算拍拖，都愛玩地下情，對外宣稱自己單身，以保留粉絲的幻想空間，但Wiyona偏偏公開有另一半，似乎想向男友大派定心丸，難道不怕粉絲呷醋而影響發展？率真的Wiyona自有一番見解：「年代唔同，我寧願自己公開，好過到時畀人影到。」在娛樂圈能夠保存一顆坦誠的心，相信Wiyona自會殺出一條血路！